Sisulu o etela moswadi Mutwa

Kuruman - Tona ya Bojanala, Mme Lindiwe Sisulu o ne a etela moswagadi wa ga Rre Credo Mutwa, mme Virginia Mutwa mo bogautshwaneng, ketelo eno e nnile karolo ya lefapha go tsosolosa bojanala mo Kapa Bokone, bogolo jang mo karolong ya Kuruman, e e humile ka ditiragalo tsa histori. Mo go fapogeleng ga tona kwa ntlong ya mogaka yono, sebueledi sa Lefapha, Steve Motale o kaile fa kgatlhego go etela ntlo le lebitla la ga moswi Mutwa e godile ka lobelo lo lo kwa godimo, e sale mo phulaong ya gagwe, o tsweletse ka gore go ntse go ntse jalo go tshwanela ke gore go lejwe pele dintlha tse di masisi mo ntlheng eno, pele mafelo ano a ka rebolelwa baeng.

“Go dintlha tse di masisi tsa botlhokwa tse di tshwanelwang ke go elwa tlhoko pele batho ba ka letlelelwa go etela ntlo le lebitla la ga rre Credo Mutwa, gone kgatlhego e ntsi go tla go bona ditiro ya mogaka ono,” ga bua jalo Motale.

Motale o kaile fa mme Mutwa a tshwanelwa ke go fana ka kitso ya tiro ya ga mogatse, o tswelela ka gore batho ba tshwana le mme Mutwa ba nale bokgoni jwa go itse botlhokwa jwa bojanala, ebile ba ka thusa le go lwantsa bosenyi mofelong a a kailweng go rotloetsa bojanalong mo kgaolong. Credo Mutwa o itsege ka go bonela pele ditiragalo tsa lefatshe, seno se tsenyeletsa go menolwa ga baeteledipele jaaka Thabo Mbeki, Lucas Mnagope, go tlhaselwa le go bolawa ga maAmerika ke Osama Bin Laden. Kitso eno, ya ga rre Mutwa e ne e sa ikaega fela ka ditiragalo mo nageng eno fela, e ne tsenye letsa le ditiragalo go ralala Afirika le lefatshe ka bophara. O tlokafetse a setse a etetse le go tshela mo bontsing jwa dinaga mo Afirika, mme ditiro tsa gagwe o di kwadile mo dibukeng tse di ntsi tse a tlhokafalang a di kwadile. Kurumanchronicle053@gmail.com