Babelaelwa mo dikgetseng tsa bogodu jwa tshipi ba lelelwa ke ditshipi

Upington – Setlhopha sa sepodisi sa Afrika Borwa sa Lekala la bosenyi jo kgethegileng le le batlisisang bosenyi jo bo masisi e eleng Hawks mono Upington se tsogile se neelane ka makwalo a go tlhagelela kwa kgotlatshekelo go babelaelwa ba le bane ba dingwaga tse di magareng ga dingwaga dile somaamararo le somaamrataro le botlhano. Babelaelwa bano ba belaelwa go gataka molawana wa go rekisa dilwana tse di onetseng wa Afrika Borwa. Letsholo la go batlisisa bosenyi jono le simolotse ka ngwaga wa 2019 ka maikaelelo a go batlisisa go rekwa le go phatlhaladiwa ga dithoto tse di onetseng. Mo ntlheng eno, setlhoppha seno se ne tsepegile mogopolo mo mofuteng wa tshipi e e kgethegileng e e bogodu jwa yona bo fetogileng go nna tlhobaboroko mo Afrika Borwa. Bogodu jwa mofuta ono bo goeleditswe e le bosenyi jo kgethegileng ke goromente wa Afrika Borwa. Dikhampani dile nne tse di rekisang mofuta ono wa tshipi di ne tsa tlhongwa leitlho le go tlhotlhomisiwa. Mo letsholong leno go fitlhetswe kopore ya setlamo sa Telkom ya boleng jwa R111 146.70, khampani tse pedi tsa bone jono di fitlhelwa mono Upington, fa tse dingwe di fitlhelwa kwa Khemmele le Kudumane. Bebelalelwa ba solofelwa go tlhagelela kwa kgotlatshekelo ka la 19 Phukwi monogwaga.